Udaltzaingoko arduradunek jakinarazitakoaren arabera ziklogenesiak ez du kalte aipagarririk eragin gurean. Hala ere, San Frantsizko kalean, ibaira ematen duen kalexkan, teilatutik eroritako antena eta uralitazko xaflen arrastoak ikus zitezkeen oraindik (beheko bi argazkietan), haizeak zapatuan hartu zuen indarraren erakusgarri. Trenbide kaleko lurrean ere ikus zitezkeen teila arrastoak. Dena dela, orain urtebete pasatxo, 2009ko urtarrilaren amaieran, ezagutu genuen lehen ziklogenesia baino arinagoa izan da honakoa. Kalte materialak alde batera lagata, elgoibartar batek Soraluze parean izandako auto istripua izan da ziklogenesiaren ondoriorik kaltegarriena, ezbairik gabe. Haizeak bere lekutik ateratako trafiko seinalea erori zitzaion auto gainera eta larri zaurituta dago auto gidari elgoibartarra.
|
|
•Sustoa Kurutzalegin
Zapatu gauean, 22:00ak inguruan, susto galanta hartu zuten Kurutzalegi baserriko bizilagunek. Haizeak baserri ondoan dagoen 200 bat urteko intxaur-arbola bota zuen eta adar batzuek kalteak eragin zituzten teilatu izkina batean. Teila batzuk eta erreten zatia apurtuta daude. Okerrena, beharbada, halako zuhaitz handia argindar kableen gainera erori zela izan zen. Kableak ez daude kalteturik eta argirik ere ez zen joan, baina zerbait larriagoa gertatu aurretik Iberdrolakoei deitu zieten etxekoek.
Sustoa gainean eduki arren ezer larriagorik pasa ez dela-eta pozik daude Kurutzalegikoak eta baita haizearen indarrarekin txundituta ere: “sustrai eta guzti atera zuen haizeak osasuntsu zegoen intxaur-arbola” diote. Idotorberako bidean ere laga dute arrastorik haizeteek, pinu adarrak eta harriak kasu.
•Santa Anako pagoa
Santa Ana ermitaren ondoan dagoen pagoa oso ezaguna da Mendaron. Santa Ana egunez (uztailak 26) egin ohi duen berotik babesteko zuhaitz aproposa zen oso Santa Anako pagoa. Haren itzalpean egiten zituzten bertso eta trikitixa saioek, baina, beste itzalpe bat aurkitu beharko dute aurrerantzean, zapatuko ziklogenesiak behera bota du eta zuhaitz zaharra. Azken aldian ez da berri honik Mendaro aldean Santa Ana ermitaren inguruan: Orain urtebete ermitarako bidea apurtu zuen luperia batek eta orain pagorik gabe geratu da. Orain gutxi, hala ere, Santa Ana ermita ingurua konpontzea erabaki du Mendaroko udalbatzak.
•Santa Anako pagoa
Santa Ana ermitaren ondoan dagoen pagoa oso ezaguna da Mendaron. Santa Ana egunez (uztailak 26) egin ohi duen berotik babesteko zuhaitz aproposa zen oso Santa Anako pagoa. Haren itzalpean egiten zituzten bertso eta trikitixa saioek, baina, beste itzalpe bat aurkitu beharko dute aurrerantzean, zapatuko ziklogenesiak behera bota du eta zuhaitz zaharra. Azken aldian ez da berri honik Mendaro aldean Santa Ana ermitaren inguruan: Orain urtebete ermitarako bidea apurtu zuen luperia batek eta orain pagorik gabe geratu da. Orain gutxi, hala ere, Santa Ana ermita ingurua konpontzea erabaki du Mendaroko udalbatzak.