Esnalek irabazi du, bigarren urtez jarraian, jaietako kartel lehiaketa

elgoibarren.net 2010ko uzt. 16a, 14:20
Deskargatu Info Ahotsak :
es en fr

 
Jose Manuel Esnalen lan honek (argazkian) irabazi du 2010eko San Bartolome jaietako programaren azala aukeratzeko lehiaketa. Azken boladan kartel lehiaketa mordoxka irabazi ditu elgoibartar honek, eta iaz, ametsa egi bihurtu zuen estreinakoz sanbartolomeetako kartel lehiaketa irabazi zuenean. Aurten ere berak egindako lan bat aukeratu du epaimahaiak.



 Guztira 11 lan aurkeztu dira aurtengo lehiaketara. Esan bezala, lehen sariari dagozkion 600 euroak Jose Manuel Esnalek eskuratu ditu eta sari berezia (300 euro), berriz, Francisco Jabier Isastiri eman diote. Abuztuaren 22an, arratsaldeko 19:00ean izango da sari banaketa Kultur Etxeko erakusketa gelan.

•Epaimahaia osatu dutenak:
  • Garai bateko Kokoe taldeko kideak: Iñaki Raigoso eta Alberto Garzia
  • Kultura batzordeburua: Iñigo Cearsolo
  • Ongarri Argazkilari Elkartea: Jokin Martinez
  • Idazkaria: Kultura teknikaria, Blanca Salegi, honek akta jaso du.

•Jaietako Haurren Kartel Lehiaketan sarituak izan direnak:
  • Lide Baz Salegi (15 urte)
  • Maria Ruiz de Gauna Gonzalez (10 urte)
  • Nora Bastida Agote (14 urte)
  • Mikel Vallejo Caballero (13 urte) 
  • Nerea Bastida Agote (11 urte)
  • Amets Isasti Huidobro (9 urte)
  • Gorka Baz Salegi (12 urte)
*Guztira 7 kartel aurkeztu dira lehiaketara
 
∞Lotura duten albisteak:
 
 
 
Kultura Elgoibar