Informazio argirik ez dago oraindik polizia operazio horren inguruan, baina polizia iturriak aipatuz berri agentziek zabaldu dutenaren arabera, Guardia Zibilak hainbat miaketa egiten dihardu, goizaldera hasitako polizia operazioarekin lotuta. Elgoibarko miaketen inguruan zerbait argitu ahala joango gara albiste hau osatzen.
Goizaldean, bederatzi lagun atxilotu ditu Guardia Zibilak, Ekinen zuzendaritzako kide izatea leporatuta, berri agentzien arabera. Atxiloketak Hego Euskal Herriko lau herrialdetan, Nojan (Kantabria, Espainia) eta Valentzian (Herrialde Katalanak) egin dituzte. Espainiako Auzitegi Nazionaleko Fernando Grande-Marlaska epaileak agindu eta zuzendu du operazioa, eta "ETAren komisario politiko" izatea leporatu die atxilotuei, beti ere berri agentziek zabaldu dutenez. Orain arte jakinarazi dituzten atxilotuen artean ez dago elgoibartarrik.
Berri agentzien arabera miaketak goiz osoan luzatuko dira.
∞Informazio gehiago:
- Espainiako Gobernuko Ministerio del Interiorren prentsa oharra
- Bederatzi pertsona atxilotu dituzte Ekinen aurkako operazio batean (eitb.com)
- Bederatzi lagun atxilotu ditu Guardia Zibilak, Ekinen zuzendaritzako kide izatea leporatuta (berria.info)