Aldapa gehiegirik ez bada, egunean 30 kilometro inguru egiteko gai direla –bera, txakurra eta zaldia- azaldu du Marina Furianek. Aurten, Xakobeo urtea izanik, Santiago Egunean, uztailaren 25ean, Santiagora ailegatzeko asmoa zutela gaineratu du, baina bistakoa da atzerapenarekin doazela. Apirilaren 25ean irten ziren Veneziatik. Done Jakue bidea egiten duen bigarren aldia da honakoa, estreinako aldian Bide Frantsesetik egin zuen eta oraingoan Kostaldeko Done Jakue Bidea jarraitzen ari da. Orain arte ikusi eta bizi duenarekin asebeteta dagoela dio, “behar izan dudan guztietan laguntzeko prest zegoen jendearekin topo egin dut, jende oso jatorrarekin. Izugarrizko esperientzia izaten ari da”.
Bidaiari ausarta izateaz gainera artista ere bada Marina. Larrua landuz txotxongiloak egiten ditu eta bidean egiten dituen geldialdietan umorezko antzezlanak eskaintzen ditu horiekin.
Argazkiak:
|
|
