Foru Aldundiko Gizarte Politikarako Departamentuak eta Elgoibarko Udalak, “elkarrekin bilera asko egin ondoren” lortu duten akordioaren arabera, Foru Aldundiak egoitza zentro bat eraiki, ekipatu eta kudeatu ahal izango du Elgoibarko Udalak eman dion herri jabetzako partzela batean, Pilar ikastetxea egon zen gunean, hain zuzen ere. Partzela horren lur azpian, aparkalekua eta jarduera ekonomikoetarako zentro bat izango ditu Udalak. Gaur bertan onartuko dute hitzarmena Udalbatzarraren Osoko Bilkuraren Ez Ohiko bileran; 18:30etik aurrera Udaleko pleno aretoan. Ikus hemen gai ordena (PDF)
•15.237.943 euroko aurrekontua
Gipukoako Foru Aldundiaren eta Elgoibarko Udalaren arteko hitzarmenean jasota dagoenez, gerontologi zentroa eraiki ahal izateko 10.404.720 euroko aurrekontua kalkulatzen da. Diru hori diputazioak jarriko du. Aparkalekuak eta jarduera ekonomikoetarako gunea eraikitzearen ardura, berriz, Elgoibarko Udalarena izango da. Lan horiek 3.305.366 euroko aurrekontua izango dutela uste dute. Azkenik, urbanizazio lanetarako 1.527.857 euroko aurrekontua jasotzen da hitzarmenean. Hortaz, orotara, 15.237.943 euroko (BEZa kanpo) aurrekontua izango du gune berriak.
•Aparkalekuak eskaeraren arabera
Urbanizazio lanak nork ordainduko dituen zehaztugabe daudela oraindik aurreratu du Alfredo Etxeberria Elgoibarko alkateak. Aparkalekuei dagokionez, dagoen eskaeraren arabera eraikiko dituztela solairu bat edo bi azaldu du: “Solairu bakoitzean 77 autoentzako aparkalekuak eraikiko genituzke. Eskaera behar bestekoa ez bada, aparkaleku solairu bakarra eta jarduera ekonomikoetarako zentroa eraikitzeko ardura hartuko ditu bere gain Udalak”.
Ekipamendu berriak osagai hauek izango ditu: adineko mendeko pertsonentzako egoitza (150 plaza), Eguneko Zentroa eta buruko gaitzak dituzten pertsonentzako unitatea (24 plaza). Zentro berriko jarduera hasten denean, gaur egun udal egoitzetan dauden 48 lekuak eta Eguneko Zentroko 20 plazak hara eramango dira.
Urbanizazio lanak nork ordainduko dituen zehaztugabe daudela oraindik aurreratu du Alfredo Etxeberria Elgoibarko alkateak. Aparkalekuei dagokionez, dagoen eskaeraren arabera eraikiko dituztela solairu bat edo bi azaldu du: “Solairu bakoitzean 77 autoentzako aparkalekuak eraikiko genituzke. Eskaera behar bestekoa ez bada, aparkaleku solairu bakarra eta jarduera ekonomikoetarako zentroa eraikitzeko ardura hartuko ditu bere gain Udalak”.
Ekipamendu berriak osagai hauek izango ditu: adineko mendeko pertsonentzako egoitza (150 plaza), Eguneko Zentroa eta buruko gaitzak dituzten pertsonentzako unitatea (24 plaza). Zentro berriko jarduera hasten denean, gaur egun udal egoitzetan dauden 48 lekuak eta Eguneko Zentroko 20 plazak hara eramango dira.
∞Lotura duten albisteak:
- Pilarreko zahar etxeak aurreikusitakoa baino altuera txikiagoa edukiko du (2011-01-03)
- Pilarko zaharren etxea izango denaren irudia aurkeztu du Udalak (2010-03-05)
- Pilar Ikastetxeko proiektua Urasandi Berri gunera eramateko proposatu du ezker abertzaleak (2009-11-18)
- 2011n hasiko dira Pilarko zaharrentzako etxea eraikitzen (2009-10-01)
- Pilar Ikastetxea adinekoentzako egoitza bihurtzeko aurrerapausoa (2009-02-12)
- Pilar Ikastetxea dagoen eraikina Udalaren eskuetara pasako da 2010ean
- Pilar ikastetxearen 84 urteko ibilbidea orain Interneten (2010-05-05)