Alcorta Forging Group Sanlo eskubaloi taldeak 28-21 irabazi zion Zarauzko Amenabar taldeari, joan den zapatuan, Olaizaga kiroldegian elkarren aurka jokatu zuten partidu garrantzitsua. Garaipen horri esker, Igoera Faseko sailkapeneko lehen postuan daude elgoibartarrak, txapelketa amaitzeko partidu bakarra falta denean. Azken jardunaldian erabakiko da zein bi taldek lortuko duten igoera, eta elgoibartarrek azken ahalegina egin beharko dute Lezama Demoliciones Trapagako taldearen aurka.
•Zaleentzako autobusak
Partiduaren garrantzia ikusita, zaleak Trapagara joateko autobusak jarriko dituzte Sanlo klubeko arduradunek. Autobusean lekua hartzeko honako telefonora deitu behar da, zapatua baino lehen: 600 901 675.