Autobus zerbitzua hobetzeko batzarra egingo dute gaur Elgoibarren

elgoibarren.net 2014ko api. 10a, 10:30
Deskargatu Info Ahotsak :
es en fr

Gipuzkoako Foru Aldundiak autobus zerbitzua berritzeko proposamena egin du, probintziako 56 herritan jasotako ekarpenak kontutan hartuta, tartean Elgoibarko eta Mendaroko bizilagunenak. Orain, proposamen hori herritarren beharretara egokitzen ote den jakin nahi dute eta bigarren bilera saioa jarri dute abian herriz herri.



1706636856520 Autobus zerbitzua hobetzeko batzarra egingo dute gaur Elgoibarren

Mendaron martxoaren 20an egin zuten bilera, eta gaur (apirilak 10) Elgoibarren egingo dute. Kultur Etxean izango da, 18:30ean. Herritarrei, eta baita udalei ere, aukera emango diete berriro iritzia emateko eta aurreproiektuen inguruan nahi dituzten ekarpenak egiteko.
 Ekarpenak webgunearen bidez (www.garraioahobetzen.net) egiteko aukera ere izango da, baina badaude iritzia emateko modu eta bide gehiago ere.
 
 
 
 
 
 
Gizartea Elgoibar