151.200 euroko diru-laguntza emango dio Udalak Elgoibarko Izarrari 2014an

elgoibarren.net 2014ko api. 15a, 20:06
Deskargatu Info Ahotsak :
es en fr

 
Elgoibarko Udalak 151.200 euroko diru-laguntza emango dio Elgoibarko Izarra Kultur Elkarteari 2014rako hainbat proiektu eta egitasmo finantzatzeko. Gaur (apirilak 15) sinatu dute lankidetza hitzarmena Elgoibarko udaletxean (ondoko argazkian).

 


Eneko Etxeberria, Iñaki Konde, Alfredo Etxeberria eta Ane Beitia, Udaleko eta Elgoibarko Izarrako ordezkariak.

Diru-laguntza hau, aurten ere, bi udal sailetatik bideratuko da: Euskara Batzordetik (106.200 euro) eta Gazteria Batzordetik (45.000 euro). Elgoibarko Izarrak Elgoibarko Udalarekin hitzartutako egitasmoen aurrekontua 408.686,07 eurokoa da, eta Udalak emandako diru-laguntza aurrekontu horren % 37 da.
Elgoibarko Izarrak eskerrak eman dizkio Udalari eskainitako laguntzarengatik, eta aurrerantzean ere, bide beretik segitzeko asmoa erakutsi du. Izan ere, administrazioaren eta herri ekimenaren arteko elkarlana "ezinbestekoa" dela uste du Iñaki Konde Elgoibarko Izarrako presidenteak, haur eta gaztetxoen aisia hezitzailea indartu, eta euskara eta euskal kultura gure herrian sustatzeko.
•Proiektuak eta diru-laguntzak:
 Hauek dira Udalak diruz lagunduko dituen proiektu eta egitasmoak. Ikus ondorengo tauletan arlo bakoitzean aurrekontuaren zenbatekoa finantzatuko duen Batzorde bakoitzak: 

1706636831281 151.200 euroko diru-laguntza emango dio Udalak Elgoibarko Izarrari 2014an

1706636831323 151.200 euroko diru-laguntza emango dio Udalak Elgoibarko Izarrari 2014an
Euskara Elgoibar