Barixakuan izango du estreinako partida, Kataluniako Ligan hirugarren dagoen BM Granollers taldearen kontra, eta zapatuan Aragoiko BM Maristasen kontra lehiatuko dira. Domekan, berriz, kanariarrak izango dituzte aurkari.
•Eskubaloi Eguna, maiatzaren 1ean
Maiatzaren 1ean Eskubaloi Eguna ospatuko dute, Kalegoen plazan. Benjamin
eta alebin mailako neska-mutilentzat antolatutako jardunaldia izango da,
eta goiz eta arratsaldez egingo dira ekintzak. Eguerdian, gainera,
elkarrekin bazkalduko dute plazan hala nahi dutenek. Jatekoa norberak
eraman beharko du, eta postea eta edaria Sanlok jarriko ditu. Aurten,
gainera, Eskubaloi Egunean parte hartzen dutenek lotara Aubixara joateko
aukera izango dute (plazak bete arte). Horretarako, baina, 25 euro sartu
beharko dira Kutxabanken kontu korronte honetan: ES57 2095 5036 51
1064353542. Antolatzaileek jakinarazi dute, baina, Aubixara joaten
direnak han bertan jaso beharko direla hurrengo egunean, ez baitute
itzulerarako autobus zerbitzurik izango. Interesatuek Sanloren webgunean
eman dezakete izena, taldeka: www.sanlo.net.