Debabarrena BTT Zentroko ibilbideak ezagutzen izan dira Canal + telebista katekoak

 Planet MTB aldizkariko Chus Castellanos aditua buru zutela, -aurrez ere egin dituzte Debabarrenako BTT zentroari buruzko erreportajeak aldizkari espezializatuan- Canal + kateko Planeta Bike saioko hainbat lagun zentroa eta honek eskaintzen dituen ibilbideak ezagutzen aritu dira azken lau egunetan. Gaur goizean Mintxetako harrera gunean grabatu dituzte saiorako irudiak. Rafa Alkorta, Athleticeko eta Real Madrileko jokalari ohia, da saioko aurkezleetariko bat. Debegesako turismo saileko arduraduna den Cristina Iturriagagoitiaren azalpenak jaso dituzte Mintxetan (goiko irudian) eta ibilbideetako bat egitera joan dira gero.

Planeta Bike saioa maila guztietako bizikleta zaleei zuzenduta dago, eta bizikletan egiteko ibilbideak erakustea du helburu. Oro har, bizikletari loturiko esparru guztiak lantzen dituzte. Hamabost egunean behin ematen dituzte atal berriak, Canal + Deportes, Canal + Deportes 2 HD eta Sportmania kateetan. Gainera, saio bakoitza hamabost alditan errepikatzen dute gero.

Debabarrenako BTT Zentroari buruzko saioa maiatzaren 23an eskainiko dute estreinakoz. 

 

*Argazkiak: Debegesa.