32 tabernak parte hartuko dute Elgoibarko pintxo lehiaketan, iaz baino zazpi gehiagok

elgoibarren.net 2014ko eka. 2a, 16:28
Deskargatu Info Ahotsak :
es en fr

Elgoibarko seigarren pintxo lehiaketa aurkeztu dute antolatzaileek eta parte hartzaileek, gaur goizean, udaletxean egin duten agerraldian. Inoiz baino lehiakide gehiago izango ditu aurtengoak, 32 tabernak parte hartuko dute-eta. Lehiaketarako prestatutako pintxoak ere aurkeztu dituzte. Momentuz, baina, argazkian baino ezin daitezke ikusi, eta ekainaren 10era arte itxoin beharko dugu zer zapore duten jakiteko.


  Herriko ostalaritza sektorea sustatzeko asmoz, Elgoibarko Pintxo Lehiaketa antolatu du Elgoibarko Udalak, seigarrengoz. Herritarren artean estimazio handia du lehiaketak, eta baita tabernarien artean ere. Hala, urtetik urtera gora egin du lehiaketan parte hartu duten tabernarien kopuruak, eta aurten sekula baino gehiago izango dira, 32 guztira {iaz 25 tabernarik parte hartu zuten}.

2013ko sari banaketan ateratako argazkia.

Honako hauek dira parte hartuko duten tabernak: Lerun, Aterpe, Otzak, Sigma, Ibai-Ondo, Gautxo, Kaia, Maala, Pilon, Malape, San Roke, Salento, Tantaka, Jai-Alai, Usua, Larre, Iriondo, Gran Siglo, Viento Sur, King-Kong, Orbea, Gabi, Iturri, Ametsa, Lanbroa, Txarriduna, Marem, Ilunpe, Xagua, Urkiola, Mahats eta Gorbea.
•Txarriduna sarituena
  Iaz, Txarriduna jatetxeak irabazi zuen pintxo lehiaketa. Orain arte jokatu diren bost ediziotatik hiru irabazi ditu Txarridunak {2009koa, 2010ekoa eta 2013koa}. Herritarren saria, berriz, Sigma jatetxeak eskuratu zuen iaz, eta Elgoibarko baserriko produktuekin eginiko pintxo onenaren saria, bestalde, Ibai-Ondo jatetxeak jaso zuen.
•2014ko lehiaketaren egunak eta ordutegia:
  • Ekainaren 10ean, 11n eta 12an (asteartea, asteazkena eta osteguna) 19:00etatik 22:00etara.
  • Ekainaren 13an (ostirala) 12:00etatik 15:00etara eta 19:00etatik 22:00etara.
Pintxoaren kostua 1,10 eurokoa izango da.

•Hiru sari banatuko dira:
  1. Elgoibarko pintxo onenaren saria.
  2. “Baserrikoa” pintxoaren saria (lau pintxok betetzen dituzte baldintzak)
  3. Herritarren saria; azken hau pintxoa dastatzen duen jendearen botuen bitartez aukeratuko da. Gainera, botua ematen duten guztien artean, Belaustegi Jatetxeak eskainitako dastaketa menu bat zozketatuko da.

∞Lotura duten albisteak:

 

 

 

Gizartea Elgoibar