Jesus Mari Uncilla da CD Elgoibarko presidente berria

elgoibarren.net 2014ko eka. 25a, 11:56
Deskargatu Info Ahotsak :

 
Bi urtez Klub Deportibo Elgoibarko presidente izan ostean, Eduardo Arrietak kargua laga du eta Jesus Mari Uncillari eman dio lekukoa. Zuzendaritza taldean ziharduen Unzillak, diruzain lanetan. Bera izango da presidentea aurrerantzean.



1706636668649 Jesus Mari Uncilla da CD Elgoibarko presidente berria

2012az geroztik CD Elgoibarko presidentea zen Eduardo Arrietak lan arazoak argudiatu ditu dimisioa emateko. Klubak aste honetan jakinarazi du bere ordezkoaren izena. Arrietak gidatzen zuen zuzendaritza taldean diruzain lanak egin dituen Jesus Mari Uncilla da CD Elgoibarko presidente berria. Ondo baino hobeto ezagutzen du kluba Uncillak, azken hogei urteetan Elgoibarko futbol taldearen bueltan ibili baita. Aurrez, beste etapa batean ere ibili zen zuzendaritza taldean, zortzi bat urtez.
•Batzar nagusia eguenean
 Urteko batzar orokorra egin baino egun batzuk lehenago eman du CD Elgoibarrek presidente aldaketaren berri. Hilaren 26an, eguenean, egingo dute urteko batzar nagusia, Kultur Etxeko hitzaldi gelan. Batzarreko gai-ordenan hiru gai sartu dituzte: urteko balantze ekonomikoa, kirol balantzea eta galderak eta iradokizunak egiteko tartea. CD Elgoibarko bazkideak parte hartzera deitu dituzte.
•Jokalari erregularrenak
  2013-2014 denboraldiko jokalari erregularenak eta inplikazio handiena izan dutenak aitortu nahi izan ditu CD Elgoibarrek egindako lanaren eskerretan. Hona hemen saritutako jokalarien zerrenda (PDF)
 
∞Lotura duten albisteak:
 
 
 
Kirola Elgoibar