Donostia 2016 egitasmoaren abesti ofizialean hartu dute parte Jon Gurrutxagak eta Uxue Alberdik

elgoibarren.net 2014ko uzt. 1a, 11:07

Donostia Europako Kultur Hiriburu izendatu zutenetik hiru urte bete direla-eta jaialdi berezia egin zuten joan den zapatuan, ekainaren 26an, Donostian. Aukera horixe baliatu zuten Donostia 2016ren ereserkia aurkezteko ere: Oreka. Harkaitz Canok, Angel Errok, Iñigo Goienetxek eta Uxue Alberdik idatzi dute testua. Letrak ez ezik, ahotsa ere jarri dio Alberdik abestiari, beste abeslari askoren artean, tartean Jon Gurrutxagak. (bideoa dauka)

Jon Gurrutxagak ingelesez abesten du Donostia 2016ren ereserkian.

Lagun askoren elkarlanaren emaitza da Donostia 2016ren ereserkia (Oreka izenekoa). Konposizioa Juantxo Zeberio pianojolearena da eta lau lagunek idatzi dituzte testuak: Harkaitz Canok, Angel Errok, Iñigo Goienetxek eta Uxue Alberdik. Abeslarien artean daude, besteak beste, Jon Gurrutxaga eta Uxue Alberdi elgoibartarrak, Ainhoa Garmendia, Francis Diez (Doctor Deseo), Leire Martinez (La Oreja de Van Gogh) Ainara Ortega, Amancay Gaztañaga, Ines Osinaga (Gose), Oreka Tx, Pello Reparaz (Vendetta), Aiora Errenteria (Zea Mays) eta Wanka (Selektah Kolektiboa).

Donostia 2016k eta Donostia Kulturak egun osoko eta diziplina artistiko ezberdinekin osaturiko festa handi bat antolatua zuten zapatuan herritar guztientzat, eta ekitaldi horretan eman zuten ezagutzera Donostia 2016ren ereserkia. Hona hemen bideoklipa:

•Jon Gurrutxagaren bakarkako lanaren nondik-norakoak sarean
Duela hilabete inguru ekin zion Jon Gurrutxaga musikari elgoibartarrak bakarkako lana grabatzeari. Lagunekin batera hasi du bidea, sare sozialetan berak aitortu duen bezala. Grabazioaren nondik norakoak MusikaZuzenean web atarian duen blogean eta bere facebookeko perfilean ere jarrai daitezke.

Kultura Elgoibar