Benantxio Iruretak ere jasoko du hil ondorengo omenaldia. Aizarnako mendizalea joan den urtean hil zen, Aneton izandako istripuan. Iruretak esperientzia handia zuen goi mendietan, eta arrasto sakona utzi du bera ezagutu zuten mendizaleengan, baita belaunaldi gazteagokoengan.
Alberto Zeraini dagokionez, mendizale arabarrak ibilbide luzea du goi mendietan; besteak beste, zazpi zortzimilako igo ditu Himalaian.
VI. Zumaia Flysch Trail mendi lasterketa datorren domekan, uztailaren 13an, jokatuko da eta azken bi edizioen ezaugarriak izango ditu: Espainiako Koparako puntuagarria izango da, bi ibilbide izango ditu –31 kilometrokoa luzea eta 15ekoa motza–, eta Espainiako autonomietako selekzioek hartuko dute parte, beste hainbat korrikalarirekin batera, tartean elgoibartarrak eta mendaroarrak.