Eusko Jaurlaritzako Hezkuntza, Hizkuntza Politika eta Kultura Sailak banatzen dituen Batxilergoko hamabost Sari Berezietako bi eskuratu dituzte Leire Melgosa Ecenarro (IES Elgoibar-Arreiturre BHI) eta Alberto Hijano Mendizabal (IES Mutriku BHI) ikasle elgoibartarrek.
Sari hau lortzeko hautagaia izateko, batxilergoko batez besteko nota 8,75ekoa izan behar da, gutxienez. Emaitza hori lortu ahal izateko Gipuzkoan, Araban eta Bizkaian egiten den proba bat gainditu beharra dago, eta ondoren lortzen dute sariketan parte hartzeko aukera. Hezkuntza Sailak joan den uztailaren 4an argitaratu zuen Sari Berezien ebazpena, eta publiko egin zituzten hamabost sarituen izenak. Arabako ikasle batek, Bizkaiko seik eta Gipuzkoako zortzik eskuratu dute saria. Honenbestez, Gipuzkoako, Bizkaiko eta Arabako 15 ikasle onenen artean daude Leire Melgosa eta Alberto Hijano 2013-2014 ikasturtean.
Ikasle hauek, nahi izanez gero, Batxilergoko Sari Nazionalera aurkezteko eskubidea dute orain. Hori, ordea, aukerakoa izaten da.
*Argazkiak: elgoibarren.net eta Aitor.
∞Lotura duten albisteak:
- Batxilergoko sari berezietan Euskadiko notarik altuena lortu du Leire Melgosa elgoibartarrak (2014-07-02)
- Urrezko domina Alberto Hijanorentzat Kimikako Espainiako Olinpiar Jokoetan (2014-04-28)
- Alberto Hijanok zilarrezko domina eskuratu du Fisikako Espainiako Olinpiar Jokoetan (2014-04-09)
- Euskal Herriko Fisikaren Olinpiar Jokoak irabazi ditu Alberto Hijano elgoibartar gazteak (2014-03-13)
- Guillermo Hijanok ohorezko aipamen berezia jaso du Espainiako Olinpiada Matematikoan (2013-06-28)
- Guillermo Hijanok irabazi ditu 11. Olinpiada Matematikoak (2013-05-23)
- Alberto Hijano, txapeldun olinpikoa matematiketan (2011-06-01)