Morkaiko mendi taldeak lanerako deia egin du, beste behin ere. Iaz, erantzun zabala izan zuen Sargoateko iturria berritzeko auzolanerako deialdiak, eta aurten Karakaten eta Atxolinen dauden beste bi iturri konpondu eta txukundu nahi ditu Morkaikok herritarren laguntzarekin. Lehen irteera urriaren 4rako antolatu dute Atxolin mendira (864 m.). Han dagoen iturria zaharberritu eta Upaigoitirako bidea txukunduko dute. Interesatuek 8:00etan agertu beharko dute IMHko tenis pistaren ondoan. Hamarretakorik eta giro onik ez dela faltako adierazi dute Morkaikotik.
- Auzonalean parte hartu nahi duten herritarrek honako telefonora deitu beharko dute izena emateko: 636 994 798 (Aitzol). E-postaz ere eman daiteke izena: morkaiko@morkaiko.net, eta baita mendi taldeak Errosario kalean duen egoitzan ere.