Udako Txokoetako argazki erakusketa ikusgai Kultur Etxean, eguenetik domekara bitartean

elgoibarren.net 2014ko ira. 24a, 17:21
Deskargatu Info Ahotsak :
es en fr

Elgoibarko Izarrako Atxutxiamaika Aisialdi Taldeak argazki erakusketa bat antolatu du aurtengo Udako Txokoetan ateratako argazkiekin. Eguenetik domekara bitartean egongo dira ikusgai  argazkiak Elgoibarko Kultur Etxeko erakusketa gelan. Umeentzako aisialdiarekin jarraituz, Kiribil barraskiloaren bisita jasoko dute barixakuan herriko umeek eta haien gurasoek.


1706636495792 Udako Txokoetako argazki erakusketa ikusgai Kultur Etxean, eguenetik domekara bitartea

Elgoibarko Izarraren Atxutxiamaika Aisialdi taldeak antolatzen dituen Udako Txokoetan 243 ume eta 35 hezitzaile aritu dira aurten. Joan berri den uda sasoiko jolas guztiak gogora ekarri edo ezagutzeko aukera izango dute orain Kultur Etxeko erakusketa gelan jarriko duten argazki erakusketara hurbiltzen diren ume, guraso zein herritarrek. Honakoa izango da ordutegia:
  • Eguena, hilak 25: 17:00-19:00
  • Barixakua, hilak 26: 18:00-20:00
  • Zapatua, hilak 27: 11:30-13:30 / 18:00-20:00
  • Domeka, hilak 28: 11:30-13:30 / 17:00-19:00

 

•Kiribilen bisita

Kiribil barraskiloa umez inguratuta.

Kiribilka egitasmoko saio berri bat prestatu du Elgoibarko Izarrak barixakurako. Kiribil barraskiloa bisitan etorriko da, baina ohiko lekura beharrean (Kalegoen plaza), Kultur Etxera etorriko da. 17:30ean hasiko da saioa.
 Elgoibarko familia-giroa euskaldundu eta transmisioan eragiteko programa berezia da Kiribilka. Elgoibarko Izarrak 2003. urtean jarri zuen abian egitasmoa, eta Kiribil barraskiloa da proiektuko maskota. 2 eta 6 urteko haurrei eta hauen gurasoei zuzendutako programa da, eta, batez ere, barixaku arratsaldetan gauzatzen da.
 
 
 
 
 
 
 
 
 
 
Gizartea Elgoibar