Aiaraldeko raid orientazio proba irabazi du Imanol Garaizabalek

 

 Aiara Spiuk Raid Taldeak antolatuta, Aiaraldeko II. Raid lasterketa jokatu zuten irailaren 20an. Arespalditzan hasi eta Gorobel mendilerroan jokatu zen proba. 47 taldek eman zuten izena eta emakumezkoen partaidetza oso handia izan zen gainera.

 Bikote bakoitzak mendiko bizikleta, antxitxika, espeleologia eta orientazio probak egin behar izaten dituzte raid probetan, zazpi orduko denboran. Denbora kontrolatzeaz gain, zirkuitoan dauden balizak hartu behar dira, ahalik eta puntu gehien lortzeko. Imanol eta Gaizka 6:59:48 denboran iritsi ziren helmugara, 127 punturekin.

 Fisikoki eta orientazio aldetik raid ona egin zutela adierazi du elgoibartarrak, baina trekking-ean ez zuten estrategian asmatu: "Ez genuen ibilbide azkarrena egin, eta ondorioz azken segundora arte estutu behar izan genuen garaipena lortzeko”, adierazi du. Raida oso polita eta oso ondo antolatutakoa izan zela gaineratu du Imanolek. Bi aste barru Arratiako raidean parte hartuko du. Jabi Guallar eta Abel Arriagak, eta Jurdan eta Aitzol Ezenarrok ere hartu zuten parte proban. (ikus sailkapenak)