Hitz lauz diskoa bere lanik “intimistena” izango dela aurreratu du Jon
Gurrutxagak. Jon and Sugramas (Gaztelupeko Hotsak, 2010) aurreko lanean
ez bezala, kantuaren arabera musikari ezberdinak erabili ditu
Gurrutxagak bakarkako bigarren diskoan. Horrela, Keu Agirretxeak, Mikel
Lagunak (Aiumeen Basoa) eta Patxi Zabaletak (Arima Beltza, Andrakan)
grabatu dituzte gitarra elektrikoak, Iñigo Gorritxategik (Lau Mono),
Mikel Azkargortak (Merry May & The Muppets) eta Gorka Eskauriazak
(Oskorri) baxuak, eta Gurrutxagak berak gitarra akustikoa, bateria eta
ahosoinua jo ditu, abesteaz gain. Kantu guztiak euskaraz grabatu ditu Gurrutxagak.
|
|
•Bloga eta bideoa
Hitz
lauz diskoaren grabaketa prozesua blog batean (musikazuzenean.com) jaso du musikari
elgoibartarrak, eta diskoaren making-offa erakusten
duen bideoa ere grabatu dute.