San Pedrora bizikleta eta rolleski igoerak egingo dituzte domekan

elgoibarren.net 2014ko urr. 10a, 05:42

Lagun Taldeak antolatuta, 23. San Pedrora txirrindulari igoera jokatuko dute domekan, Pilarika Egunean. Txirrindulariak 12:00etan irtengo dira Kalegoen plazatik, eta Idotorben izango dute helmuga. Txirrindularien ostean, 12:10ean, irtengo dira rolleski igoerako partaideak.

Julian San Juanen Oroimenezko 23. San Pedrora igoera jokatuko dute domekan, urriaren 12an. Parte hartzaileek aldapa pikoei aurre egin beharko diete Kalegoen plazatik Idotorbe gaineraino dauden 3,8 kilometroko ibilbidean. Iaz 55 lagunek hartu zuten parte igoeran eta Iban eta Jorge Gonzalez anaiak izan ziren jaun eta jabe Idotorbeko maldetan. Eskutik helduta gurutzatu zuten helmugako marra (goiko argazkian). Iñigo Larizek dauka probako errekorra (13:21).

•Rolleski igoera

1706636461077 San Pedrora bizikleta eta rolleski igoerak egingo dituzte domekan

Azken urteotan bezala, egun honetan bertan Rolleski igoera egingo dute Idotorberako maldetan. Igoera kronometratu egingo dute 12:10ean hasita, eta parte hartzeko izena eman behar da. Domekan proba hasi aurretik plazan (11:30-12:00), edo Interneten jarri duten formularioa beteta eman daiteke izena. Aurretik, 9:30ean IMHtik Maripotzura egingo dute rolleski igoera, eta hor parte hartzeko ez da izena eman beharko. Hala ere, autoz jaisteko asmoa dutenek jakinarazi egin beharko diete antolatzaileei.

2013ko San Pedrora igoerako argazki bilduma:

Kirola Elgoibar