Bukatu da 'Egunkaria auzia', Gipuzkoako Lurralde Auzitegiak pieza ekonomikoa itxita

elgoibarren.net 2014ko urr. 14a, 14:16
Deskargatu Info Ahotsak :

Gaur jakinarazi du erabakia Gipuzkoako Lurralde Auzitegiak, ia hilabetez auzia aztertzen aritu ostean. Carmen Zubimendi Donostiako Zigor Epaitegiko epaileak ekainean jakinarazi zuen auzi ekonomikoa preskribatutzat jo zuela. Zortzi lagun zeuden auzipetuta, zigor eskaera handiekin. Gaurko erabakiarekin behin betiko amaitu da 2003ko otsailaren 20an euskarazko egunkariaren aurka hasi zen erasoa.



'Egunkaria auzia'ren atal ekonomikoan auzipetutako lagunak.

2003ko otsailaren 20an hasi zen Egunkaia auzia, Espainiako Auzitegi Nazionaleko Juan del Olmo epaileak kazeta ixteko agindua emanda. 2010ean etorri zen itxierako epaia: absoluzioa, ez zegoelako ETAren eta Egunkaria-ren arteko loturarik. Baina Egunkaria-k itxita segitu zuen, eta auziko beste piezak —ekonomikoak— aurrera jarraitu zuen. Donostiako Zigor Epaitegiaren artxibo sententzia berretsi du orain Gipuzkoako Auzitegiak, 1998-2001 artean egindako ustezko delituak preskribatutzat jota —diru laguntza publikoen iruzurra eta diru kontuen faltsutzea.
Gizartea Elgoibar