Bularreko minbiziaren kontrako Espainiako elkarteko (AECC) kide dira zenbait mendaroar, eta haien ekimenez aritu dira joan den astean herriko zenbait ume arrosa koloreko eskumuturrekoak egin eta egin. Eskulanetarako trebezia garatzeaz gainera, horrenbeste emakumeri eragiten dion gaixotasunaz kontzientzia hartzeko aukera izan zuten gaztetxoek. Gero, egindako eskumuturreko guztiak mendaroarren artean banatu zituzten barixakuan.
Era berean, minbiziaren kontrako elkarteko boluntarioek xingola arrosak laga zituzten herriko dendetan, nahi zuenak hartu eta paparrean jartzeko. Besteak beste, bizimodu osasuntsua gaixotasuna ekiditeko baliagarria dela gogorarazteko jartzen dira xingola horiek.
|
|
