Hitz lauz izeneko disko berria kaleratzeko prest du Jon Gurrutxaga musikari elgoibartarrak, bakarkako bere bigarren diskoa. Datorren astean aurkeztuko du lan berria jendaurrean, baina aurrerapen modura, diskoko abesti baten (Kontaidazu dantzan) bideoklipa zabaldu du sarean. Gurrutxagaren lan berrian soinua entzun nahi? (bideoa dauka)
Hitz lauz (Gaztelupeko Hotsak, 2014)diskoa bere lanik “intimistena” izango dela aurreratu du Jon Gurrutxagak, eta horren adibide argia da aurkeztu duen lehen kanta. Gurrutxagak berak jotzen duen gitarra akustikoa eta bere ahotsa dira Kontaidazu dantzan abestiko protagonistak. Hona hemen abestiaren bideoklipa: