Perretxiko erakusketa ez antolatzea erabaki du Karakate elkarteak, arazo ekonomikoak medio

elgoibarren.net 2014ko aza. 6a, 11:49
Deskargatu Info Ahotsak :

 
Arazo ekonomikoak direla medio, Perretxiko erakusketa antolatzeari uko egin dio aurten Karakate Mikologi Elkarteak. Hogeita hamabi urtez Debarroko Perretxiko Lehiaketa antolatu zuen Karakatek, eta 2007an lehiaketa izatetik erakusketa izatera pasa zen. Aurten, hortaz, 40. edizioa izango zatekeen. 

 

Karakate elkarteak mikologiareko zaletasuna sustatu du Elgoibarren hainbat urtean; lehiaketaren bidez lehenik, eta helburu didaktikoak zituen perretxiko erakusketa antolatuz azken zazpi urteetan. Aurten, baina, erakusketarik ez antolatzea erabaki dute, antolakuntza lanetarako aurrekontu nahikorik ez dutela-eta.

1706636387913 Perretxiko erakusketa ez antolatzea erabaki du Karakate elkarteak, arazo ekonomikoak m

Elgoibarko Kultura sailetik jakinarazi dutenez, norgehiagoka erregimeneko diru laguntzetan ezarritako irizpideetan oinarrituta, Udalak 600 euroko laguntza ematen dio Karakate elkarteari, perretxiko erakusketa antolatu dezan. Alabaina, 2012. eta 2013. urteetako erakusketak antolatzeko diru hori baino gehiago behar izan zutela jakinarazi zieten Karakateko arduradunek Elgoibarko Udalari, eta zorra egiten jarraitzen duten bitartean erakusketarik ez antolatzea erabaki dute. Bizi dugun krisialdian Udalak diru-laguntzak jaistea ulergarria dela diote Karakatekoek, baina elkartearen egoera ekonomikoa ere larria denez, erakusketa antolatzeari uko egitea beste erremediorik ez dutela izan jakinarazi dio Karakate Elkarteak Udalari. 

∞Lotura duten albisteak:

 

 

 

 

 

Kultura Elgoibar