Iaz ekin zioten bideari segituz, aurten ere Euskararen Nazioarteko Eguna ospatzeko prestaketa-lanetan dihardu Elgoibarko hainbat elkarte, ikastetxe eta erakundek. Ospakizun-programaren berri hurrengo egunetan emango dutela aurreratu badute ere, aurretik lantzea komeni den ekimen bat dutela eskuartean jakinarazi dute. Hala, aurtengo Euskararen Nazioarteko Egunean Euskaraz bizi nahi dut! flashmob-a dantzatuko dute Kalegoen plazan. Abenduaren 3an izango da, 19:00etan, eta Josu Mujika dantzari eta koreografo elgoibartarra izango da zuzendaria. Antolatzaileek Josu Mujikaren dantza-eskolako ikasleekin batera dantza egitera gonbidatu dituzte herritar guztiak.
•Entseguak azaroaren 20tik aurrera
Eta flashmob-a “ganoraz” dantzatu nahi dutenez, entseguak ere prestatu dituzte pausoak ikasteko. Hauek dira entseguetarako egunak eta orduak:
- Egunak: azaroak 20, 25 eta 27
- Ordutegia: 18:30-19:00
- Lekua: Olaizaga Kiroldegian
Azaroaren 29an, berriz, entsegu orokorra eta bateratua egingo dute Ikastolako frontoian, 12:00etatik 13:00era.
•Koreografiaren pausoak
Abenduaren 3an dantzatuko duten flashmob-a ezagutu eta giroa berotzen hasteko, interesatuek honako bideoan ikusi eta ikasi ditzakete koreografiaren pausoak.
∞Lotura duten albisteak:
- Aldarrikapena eta jaia eskutik Euskararen Egunean (2013-12-03)
- 'Euskarak 365 egun' kanpainarentzako atxikimenduak batzen hasiko dira (2013-11-22)
- Mendaro dantzan jarri zuen euskararen aldeko 'flasmob'-ak (2012-12-04)