Karakateko 21. igoera jokatuko dute zapatuan

elgoibarren.net 2014ko aza. 13a, 08:32
Deskargatu Info Ahotsak :

Herriko kirolzale eta mendizaleak Karakateri begira jarriko dira datorren zapatuan, azaroaren 15ean, Karakateko igoeraren 21. edizioa jokatuko baita. Iaz 94 lagunek hartu zuten parte igoeran eta 38 segundoan ondu zuen probako errekorra Iñigo Larizek: 27 minutu eta 39 segundoan egin zuen Kalegoen plazatik Karakateko tontorrera arteko bidea.


1706636356228 Karakateko 21. igoera jokatuko dute zapatuan

Antolatzaileek gogorarazi dute bidea ez dela markatuta egongo eta norberak nahi duen lekutik igo ahal izango duela, betiere baserritarrek jarritako itxiturak errespetatuz. Iaz, esaterako, "Egurraren bidetik" egin zuen Larizek igoera, estreinakoz, eta garaipena lortzeaz gainera, probako errekor berria ezarri zuen (27:39). Maite Maiora mendaroarrak dauka emakumezkoetan errekorra (35:43). 2010ean ezarri zuen.

Izenemateak doan izango dira eta interesatuek aurrez (morkaiko@morkaiko.net helbidera idatzita) nahiz zapatuan bertan ere eman ahal izango dute izena, goizeko 10:00etatik aurrera, Kalegoen plazan. Lasterkariak 11:00etan, kanpai-hotsekin batera, abiatuko dira plazako frontoiko frontisetik.
Bost sari banatuko dituzte antolatzaileek goian. (informazio gehiago morkaiko.net)
  • 1. sailkatua: txapela eta Mausitxako gazta
  • 1. emakumea: txapela eta Mausitxako gazta
  • 1. gizon elgoibartarra: Mausitxako gazta
  • 1. emakume elgoibartarra: Mausitxkoa gazta
  • Aurpegirik onenari saria: Mausitxako gazta

•Azken urteetako irabazleak:

∞Lotura duten albisteak:

 

 

Kirola Elgoibar