Korrika egiteko egun ederra izan dute goizean Karakateko igoeran parte hartu duten 119 lagunek, zeru oskarbia eta giro freskoa. Horrek ere lagunduko zuen, beharbada, partaidetza errekorra gainditzen, estreinakoz 100 lagunen langa gainditu baitu probak, aise gainditu ere. Guztira 119 lagunek hartu dute parte.
Iñigo Lariz izan da guztietan azkarrena, hirugarren urtez jarraian. Gainera, iaz ezarri zuen errekorra bi segundoan ondu du Larizek. 27 minutu eta 37 segunduan egin du Kalegoen plazatik Karakateko tontorrera arteko bidea. Mikel Beunza sailkatu da bigarren postuan, 28:23ko denborarekin eta Josu Uriarte markinarra sailkatu da hirugarren (28:50). Lehen bost sailkatuek egin dute igoera ordu-erdiaz azpitik. Era berean, asko izan dira soken edo egurraren bidea moduan ezagutzen den bidetik igoera egin dutenak. Larizek bide horretatik igoera eginda lortu zuen errekorra iaz, eta aurten ere handik igo da. Tontorrean batu diren ikuslek ere bazekiten bide horri begirik ezin zitzaola galdu, eta bidearen amaieran kokatu dira lehen korrikalarien zain. Bidea ere egina zieten parte hartzaileei, baina uste ez zuten ertz batetik hartu du gaina Larizek, ia denak ezustean hartuz.
|
|
•Argazkiak:
•Azken urteetako irabazleak:
- 2013an Iñigo Lariz
- 2012an Iñigo Lariz
- 2011n Oier Ariznabarreta
- 2010ean Oier Ariznabarreta
- 2009an Oier Ibarbia
- 2008an Josu Arregi
- 2007an Iñigo Lariz
- 2006an Aritz Kortabarria
∞Lotura duten albisteak:
- Iñigo Larizek garaipena eta errekorra Karakateko 20. igoeran, 27:39 (2013-11-16)
- Iñigo Larizek irabazi du Karakateko igoera eta errekorretik hiru segundora geratu da (2012-11-17)
- Karakateko Igoera barrutik ezagutu nahi? (2011-11-22)
- 28 minutu eta 17 segundo, Karakateko Igoerako errekor berria ezarri du Oier Ariznabarretak(2011-11-19)
- Karakatera antxintxika eta aurpegi onarekin gainera!
- Jakin nahi duzue Karakateko Igoeraren historia? (2007-11-16 elgoiBARREN.net)