Duela hiru aste, azaroaren 7an, leku berean eta oso antzerako moduan gertatu zen istripua jazo da gaur, eguerdi aldera, Andikano eta Maltzaga artean. A 8 autobidetik Maltzagako bidegorriraino erori da auto bat, eta bertan dagoen argindar etxearen kontra jo du. Hamar bat metro goraxeago erori zen orain hiru aste beste auto bat. Harek moduan honek ere, trenbidea eta bidegorria banatzen dituen hesian lur hartu du, eta gainera, trenbideko katenaria hondatu du autoak. Hori dela-eta tren zerbitzua moztu behar izan du Euskotrenek Eibar eta Elgoibar artean, eta autobus zerbitzua jarri du abian arazoa konpondu bitartean.
Oraingoz ez daukagu berririk auto barruan zihoazen lagunen osasun egoeraz. Larrialdi zerbitzuetako kidek istripua izan duten lekuan artatu dituzte lehenik eta handik orduerdi ingurura anbulantzian eraman dituzte ospitalera.
∞Lotura duten albisteak:
