Urte osoa eman dute Kataiak ikuskizuna prestatzen, baina zuzenean jarraitu ahal izateko aukera bakarra zegoen: joan den barixakuan makina erremintaren museoan eskaini zituzten hiru saioetako batera joanez, alegia. Berezitasun horiek erakarrita, beharbada, ikusmina piztu zuen Kataiak-ek, eta 500 lagunetik gora hurbildu ziren Museora barixakuan.
Musikari gazteek sortu eta garatu duten sormen-lanak museoko makinen hotsak, sei musikarien zuzeneko musika, soinu elektronikoak eta irudiak uztartzen zituen, “makina-erremintaren iragana, oraina eta etorkizuna irudikatuz".
Txaber Fernandez zuzendari artistikoak zuzendu zuen jendaurrean Jagoba Astiazaran konposatzaileak sortutako lana. Zuzenekoan gainera, Xare Laborategiko sei musikarik hartu zuten parte: bik perkusioarekin, eta gainerako laurak, flautarekin, saxoarekin, txeloarekin eta klarinetearekin.
|
|
Ikuskizunak ongi bereizitako bi atal zituen. Lehenbizikoan, ikusleek bisitariak balira bezala parte hartu zuten ikuskizunean, eta museoaren gune desberdinak ikusi zituzten makinen soinua, instrumentuen notekin eta ikuslearen beraren urratsekin batera nahasten ziren bitartean. Obraren bigarren atala, berriz, museoaren erdiko pabiloian garatu zen. Bertan, ikuskizunean parte hartzen zuten sei musikariek instrumentuak jo zituzten, hainbat soinu elektronikoren eta irudien laguntzarekin.
Barixakuan jasotako irudi eta soinuekin, DVD edo antzerako beste euskarriren batean ere izango da Kataiak ikuskizunaz gozatzeko aukera, ikuskizunaren sortzaileek jakinarazi dutenez.
- Ikuskizuneko hainbat argazki ikus ditzakezue imh.es webgunean
∞Lotura duten albisteak:
-
Musika eta makinen hotsak uztartuko ditu Kataia ikuskizunak makina-erremintaren museoan (2014-11-14)
-
Asier Lizarralde elgoibartarrak irabazi du gazteentzako Asmaola+enpresa industrialen ideia lehiaketa (2014-11-07)
-
Makina-erremintaren etorkizuna irudikatu dute IMHn (2014-11-07)
-
Makina-erreminta eta industriaren etorkizunaz gogoeta egiteko jardunaldia antolatu du Udalak (2014-10-23)
Abian da Gazteentzako Asmaola+ Enpresa Industrialen Ideia Lehiaketaren estreinako edizioa (2014-05-06)
Elgoibarko Udalak errekonozimendua egin die makina-erremintaren sektoreko eragileei (2014-04-30)
- Datorren astean hasiko dira makina-erremintaren mendeurreneko ekitaldiak (2014-04-24)
- Urte osoko egitaraua Elgoibarko makina-erremintaren mendeurrena ospatzeko (2014-04-15)
- Makina-erremintaren fakturazioak % 5-10 egingo du behera 2014. urtean (2014-04-11)
- Ateak herriari zabalik, makina erremintaren mendeurrena ospatzeko (2014-04-10)
- Altzolatarren Dorretxeko jatorrizko atea ‘Burdinoletatik erreminta makinara’ erakusketan(2011-06-10)