Realeko jokalariak zaleengana gerturatzeko kanpainaren barruan, Elgoibarko zaleei bisita egingo diete Realeko bi jokalarik datorren abenduaren 11n. Markel Bergara Realeko jokalari elgoibartarra eta Sergio Canales kantabriarra dira talde txuri urdinak Elgoibarrera etortzeko aukeratuak.
Realeko arduradunek jakinarazi dutenez, bi jokalariak BM supermerkatuan (Netto) egongo dira, ordubetez, BM Realaren babeslea delako. Era berean, beste babesle batek, Coca-colak antolatu duela ekitaldia gaineratu dute. Bergarak eta Canalesek sinadurak banatu eta zaleekin argazkiak egingo dituzte.
Realeko jokalariek sinadurak banatuko dituzte Elgoibarren, abenduaren 11n
Markel Bergara eta Sergio Canales Realeko jokalariek sinadurak banatu eta realzaleekin argazkiak egingo dituzte datorren eguenean, hilak 11, Elgoibarren. BM supermerkatuan izango dira Realeko bi jokalariak, 19:00etatik 20:00etara.