Loredi Salegi elgoibartarrak gidatuko duen ikastaroa maiatzaren 4tik 25era eta ekainaren 1etik 15era bitartean egingo da. Tailerrak eguaztenetan izango dira, 18:30etik 20:30era, Meka Lanbide Eskolako Ezenarro eraikinean. Guztira hamalau orduko ikastaroa izango da, gazteleraz. Doakoa izango da, baina, plazak mugatuak direnez, izena eman behar da: Elgoibarko Udaleko Arreta Bulegoan, telefonoz (943 741 050) edo e-posta bidez (berdintasuna@elgoibar.eus)
Autoestimuari buruz berba egingo dute ikastaroan, noiz eta nola osatzen den, genero oztopoak emakumeen autoestimuan, emakumeen autoestimu baxuaren zergatiak eta sintomak, autoestimua lantzeko proposamenak eta jabetzea, besteak beste.