"Berri on bat da elgoibarrentzat eta Gipuzkoa osoarentzat", esan du Markel Olano ahaldun nagusiak Pilar ikastetxea egon zen lurzorua atzean zuela egin dituen adierazpenetan. Pilar ikastetxeak 2010ean amaitu zuen irakaskuntza ibilbidea, eta Pilar ikastetxeko guraso taldeak Elgoibarko Udalari eman zion ikastetxea dagoen lursaila, adinekoentzako zentro bat egiteko. Foru Aldundiak begi onez ikusi zuen proiektua eta lanak 2012an hastea aurreikusten zuten, baina krisiaren eraginez, adinekoen zentroa egiteko proiektua atzeratu egin zuten.
Gaur, zahar etxea egiteko proiektua "martxan" dela jakinarazi dute Elgoibarko Udaleko eta Aldundiko arduradunek. "Foru Aldundiak nagusientzako egoitza eta eguneko zentroa berri bat egiteteko proiektua dauka eta adostu du dagoeeko protokolo bat, Elgoibarko Udalarekin lankidetza protokolo bat", jakinarazi du Olanok. Eraikinari dagokionez, hutsetik hasiko direla azaldu dute, aurrez aurkeztu izan diren proiektuak baztertuz. Maite Peña Gizarte Politikako diputatuarekin batera etorri da Olano Elgoibarrera.
• San Lazaron bizi guztirako etxebizitzak
Pilar ikastetxea egon zen lurzorua emango dio Udalak Aldundiari, eta han 100 lagunentzako lekua edukiko duen zahar etxea eraikitzea adostu dute. San Lazarok 48 lagunentzako lekua du. Egoitza berria martxan jartzen dutenean, San Lazaro itxi egingo dute, eta eraikin hori Udalari traspasatuko dio Aldundiak, bertan bizi guztirako etxebizitzak egiteko.
Aldundiak, beraz, zahar etxea eraikitzeko "konpromisoa" hartu du, eta era berean, zahar etxearen azpian lurrazpiko aparkalekua egiteko konpromisoa ere bai. Zahar etxeko langile eta bisitariez gainera, herritarrek ere erabili ahalko dituzte aparkalekuok. Zahar etxe honi esker, Debabarreneko itxaron zerrendak jaitsi egingo direla adierazi du Olanok, eta Aldundiak adineko pertsonen ongizatean eta bizi-kalitatean duen konpromisoa berretsi du. Une honetan 38 laguneko itxaron zerrenda dago Debabarrenean. Horren harira, Legealdi amaierarako, zahar etxe eta eguneko zentroetan 361 plaza berri sortuko dituztela esan du.
Ane Beitia Elgoibarko alkateak, bestalde, Elgoibarko Udalak adinekoen alorrean egiten duen lana nabarmendu du, eta gaineratu du bere legegintzaldiko ardura nagusienetarikoa izan dela adinekoen ongizatea bermatzea. Hitzarmen honekin Elgoibarrek pausu garrantzitsua eman duela nabarmendu du.
• Eguneko zentroa
Uparitzaga kalean eraikiko duten eguneko zentro berriko lanak ere bisitatu dituzte agintariek. Uparitzaga kalean eraiki berri dituzten Babes Ofizialeko Etxebizitzen beheko solairuan egongo da 350 metro koadro inguruko azalera izango duen azpiegitura berria. Zentro berria udarako martxan egotea aurreikusten du Udalak. Pilarreko zahar etxea martxan jartzen dutenean, baina, hara leku aldatuko dute eguneko zentroa.
∞Lotura duten albisteak:
- Uparitzaga kalean eraikiko duten eguneko zentro berriak 30 laguni zerbitzua emango dio (2019-01-23)
-
Abenduan amaituko dituzte Pilarreko eraikina eraisteko lanak (2013-11-21)
- Irailean hasiko dira Pilar ikastetxea egon zen eraikina eraisteko lanak (2013-07-10)
- Elgoibarko udalak 12.553.991 euroko aurrekontua onartu du 2013rako (2013-01-25)
- Pilarreko egoitzaren proiektua geldi egotearen errua Diputazioari egotzi diote PPk eta PSE-EEk (2012-11-28)
- Pilarreko zahar etxea eztabaidagai Batzar Nagusietan (2012-10-30)
- 12,7 milioi euroko aurrekontua onartu du Udalak, aurrekoa baino %5 txikiagoa (2012-01-27)
- Diputazioak ez du Pilarreko zahar etxea 2012rako aurrekontu proiektuan sartu (2011-11-16)
- 2012ko udan hasiko dira Pilarreko zahar etxea eraikitzeko lanak (2011-04-26)
- Pilarreko zahar etxearen proiektua geldiarazteko eskatu du ezker abertzaleak (2011-02-02)
- Pilarreko zahar etxeak aurreikusitakoa baino altuera txikiagoa edukiko du (2011-01-03)
- Pilarko zaharren etxea izango denaren irudia aurkeztu du Udalak (2010-03-05)
- Pilar Ikastetxeko proiektua Urasandi Berri gunera eramateko proposatu du ezker abertzaleak(2009-11-18)
- 2011n hasiko dira Pilarko zaharrentzako etxea eraikitzen (2009-10-01)
- Pilar Ikastetxea adinekoentzako egoitza bihurtzeko aurrerapausoa (2009-02-12)
- Pilar Ikastetxea dagoen eraikina Udalaren eskuetara pasako da 2010ean
- Pilar ikastetxearen 84 urteko ibilbidea orain Interneten (2010-05-05)