Gaueko taxi zerbitzua jarriko du martxan Udalak inauterietarako

Barren.eus 2023ko ots. 16a, 10:00

Elgoibarko Udalak, abuztuko jaietan zein Gabon Zahar egunean egindako balorazio positiboaren ostean, gaueko taxi zerbitzua eskainiko du inauterietako zapatuan.

Zerbitzua 01:00etatik 08:00etara eskainiko dute, doan, eta herri barruko ibilbideak soilik egin ahal izango dira. Zerbitzua Txarriduna hotela dagoen biribilgunetik abiatuko da. Ezin izango da aurrez erreserbarik egin; ilaran egon beharko da zain eta jendea itxaroten ari den hurrenkera errespetatuko dute. "Festa lasai eta segurua" izatea bermatu nahi du Elgoibarko Udalak.