Ertzaintzak adierazi duenez, baserri barruan 80 bat marihuana-landare aurkitu zituzten loretan, bai eta landareak barruan hazteko instalazio osoa ere. Horrez gainera, beste gela batean moztu berriak ziren 300 marihuana-landare atzeman zituzten. "Goiko aldean marihuana xehatua zuten hainbat plastikozko poltsa zeuden, bai eta substantzia marroi prentsatu baten (haxixa) tableta batzuk eta doitasun-balantza bat ere", azaldu dute.
Ertzaintzatik azaldu dutenez, Eibarko Ertzain-etxeko landa-patruila bat Elgoibarko baserri batera hurbildu zen atzo, 17:00etan, eginbide judizialekin zerikusia zuten kudeaketa batzuk egitera. Polizia baserrian zegoen bikote batekin hizketan ari zenean, baserri barrutik marihuana-usain handia zetorrela iruditu zitzaien agenteei, eta barrura sartzeko baimena eskatu zioten bikoteari. Hala, barrualdea mihatu eta atzemandakoak atzeman ostean, bi pertsonak atxilotu zituzten "droga-trafikoaren modalitatean osasun publikoaren aurkako delitu bat" leporatuta. Ertzain-etxera eraman zituzten dagozkion eginbideak irekitzeko. Gaur goizean biak Eibarko Guardiako Epaitegiaren eskuetan jarri dituztela gaineratu dute.
∞ Lotura duten albisteak:
- 3.700 marihuana landare atzeman ditu Ertzaintzak Elgoibarren eta hiru lagun identifikatu ditu (2019-05-08)
- Elgoibarren atxilotu dute lagun bat Legution aurkitutako marihuana landaketarekin lotuta (2018-09-19)
- Elgoibarko industria-nabe batean 14.000 marihuana landare atzeman dituzte (2017-05-12)
- Elgoibarko bikote bat espetxeratu dute droga trafikoagatik (2017-06-06)