Zorionez hutsik zegoen 10:00ak inguruan su hartu duen eraikina, behera bota eta etxe berriak egiteko asmoa baitute. Hain zuzen, langileak ari ziren lanean une horretan. Elgoibarko Udaletik jakinarazi dutenez, etxebizitzaren euskarrietan burutzen ari ziren soldadura lanen ondorioz piztu da sua, eraikina babesteko ipinita zituzten babes neurriek eta teilatua estaltzen zuen olanak su hartu baitute. Su-itzalgailuak erabilita ez diote suari indar gehiegirik hartzen laga, eta suhiltzaileek egoera kontrolpean hartu dute gero. 10:45 alderako itzalita zuten sua. Inguruko etxebizitzetako bizilagunak irtenarazi dituzte eta Errosario kalea itxi behar izan dute suhiltzaileek lan egin dezaten. Udaletik zehaztu dute kalte materialak bakarrik eragin dituela suak, eta horiek su hartu duen eraikinera mugatu direla.
Elgoibarko Udalak eraisketa lanak burutzeko lizentzia emana zion jabegoari, behin horiek gauzatuta, 4 eta 6 zenbakietako etxebizitzen berreraikitze lanak egiteko.
Orain orubea dago, baina ondoan zegoen eraikinak su hartu zuen 2018ko irailaren 22an. Hiru etxebizitza hondatu zituen suteak eta etxea behera bota behar izan zuten gero.
Sare sozialetatik jasotako bideo txatalekin osatutako honako bideoan ikus daiteke suak hartu duen indarra eta sortu duen ketza.
∞Lotura duten albisteak:
- Sutea piztu da Kalamua kaleko etxebizitza batean (2021-04-22)
- Sua piztu da San Frantzisko kaleko etxebizitza batean (2020-12-21)
- Sua piztu da San Roke kaleko etxebizitza batean (2020-01-28)
- Sua piztu da Urnobitza inguruan eta haize handia traba da itzaltzeko lanetan ari direnentzat (2020-01-14)
- Sute txiki bat itzali dute suhiltzaileek Olaso industrialdeko lantegi batean (2019-07-18)
- Santa Ana kaleko etxebizitza bateko sukaldeak su hartu du (2019-04-01)
- Auto batek su hartu du Anbulatorio ondoan (2019-01-25)
- Errosario kalean kiskali zen etxebizitza berriz busti behar izan dute suhiltzaileek (2018-09-25)
- Sute batek hiru etxebizitza hondatu ditu Errosario kaleko eraikin batean (2018-09-22)
- Gizonezko bat erreskatatu dute suhiltzaileek San Roke auzoan sutan zegoen etxebizitza batetik (2017-11-23)
- Doako ke detektoreak instalatuko ditu Elgoibarko Udalak 80 urtetik gorakoen etxeetan (2017-05-22)
- Sutea piztu da Carrocerias Strada enpresan (2017-02-13)
- Sutea izan da Urazandi kaleko etxebizitza batean (2016-10-13)
- San Roke kalean aparkatuta zeuden bi kotxe erre dira goizaldean (2016-06-02)
- Ertzil baserria erre da, Urruzuno bailaran (2015-02-13)
- Etxe batek sua hartu du San Frantzisko kalean (2010-03-14)