Elgoibarko desfilea Parrokiako Katekesiak antolatzen du. 17:30etik aurrera jaiotza biziduna izango da Kalegoengo San Bartolome parrokiako atarian, eta Errege Magoak 18:00ak aldera iritsiko dira Jesus haurtxoa gurtzera. Santa Klara aldetik etorriko dira, eta herri osoa zeharkatuko dute, herritarrei gozokiak banatzen. San Lazaro egoitzan ere sartuko dira, bertako egoiliarrei opariak banatzera. Gero, udaletxeko arkupeetan egongo dira umeen gutunak jasotzen.
• Alkorta ingurutik etorriko dira Mendaron
Mendaron, bestalde, Arno guraso elkarteak antolatzen du Errege Magoen desfilea. Alkorta ingurutik etorriko dira Ekialdeko Errege Magoak eta Billale inguruan izango dituzte zain herritarrak, 18:00etan. Herria zeharkatu ostean, Ikastolan jasoko dituzte umeen eskutitzak, ondoren opariak banatzeko.
