Egun eta ordutegi proposamenak aztertu, funtzionamendua eta planak aurkeztu eta hezitzaile berriak ezagutzeko batzarra izango dela azaldu dute.
Gaztelekuak oinarrizko proposamen bat landu du, honako ordutegiarekin: ostiralak, larunbatak eta igandeak 18:00etatik 20:00etara, DBH 1 eta Batxilergoko lehen maila arteko gazteei zuzendua. Proposamen hori gazteekin landu nahi dute orain, eta behin betiko funtzionamendua denen artean adostea. 35 lagunentzako aforoa izango du Gaztelekuak. Mendaroko Udalak parte hartzera deitu ditu herriko gazteak.
Gazte batzarra 17:30ean hasiko da, Gaztelekuan.
