- 5. edukiontzia egungo sistemaren jarraipena da, egun dauzkagun lau edukiontzi edo kontenedoren alboan beste bat jartzen da, gai organikoak botatzeko, eta horrela herritarrei aukera ematen zaie borondatez izena eman ondoren 5. edukiontzia erabiltzeko.
- Atez ateko sistema, aldiz, guztiz bestelakoa da. Edukiontziak kendu eta gaikako zabor bilketa egun ezberdinetan egiten da, iluntzetan. Tokatzen den egunean tokatzen den zabor moeta jeitsi behar du herritarrak eta guztiak daude gaikako bilketa egitera behartuak.
- 5. edukiontzia: %30 inguru birziklatzen da.
- Atez atekoa: %80 inguru birziklatzen da.
*Datuok ez dira alderdi politikoek emanak, San Marko mankomunitateak baizik. Hemen datuak zenbakitan eta grafikak .
Teorian bi aukerak berdinak izan arren (bietan gaika batzen da eta organikoa ere batzen da), emaitzek argi erakusten dute biztanleok daukagun axolagabekeria, behartutzen ez bagaituzte. Atez atekoa bera ere, zaborrik ez sortzetik askoz gertuago egon arren, ez da nahikoa zaborrak ez sortzeko, baina hori aurrerago aztertuko dugu.
•Iritzi ezberdinak
Begira dezagun orain ze iritzi ezberdin dauden (alderdi politikoena albo batera lagata)
Alderdi ekologista guztiak Atez Ateko sistemaren alde daude:
- Ekologistak martxanek ontzat jotzen du Gipuzkoako atez ateko sistema.
- Greenpeace erakundearen pdf-a gaiaren inguruan eta beste artikulu bat.
- EM eta GPren txostena.
- Greenpeace, Ekologistak Martxan, Eguzki eta Haritzalde elkarte ekologisten adierazpen bateratua.
- Eguzkiren iritzia.
•Beste esperientzia eta iritziak:
Zero Zabor. Zer da Zero Zabor (edo ingelesez Zero Waste)? Hondakinik ez sortzea helburu duen mundu mailako mugimendua . (wikipedian)
Zero zaborrera iristeko Atez Atekoa gertuago dago, errefusak (birzikla ezin daitezken gaiak) gutxitzeko. Halere, Zero Zaborrera iristeko produkziotik azken kontsumitzailera arte dena zaindu beharra dagoela dio aurreko astean Euskal Herrian egon den Paul Connett Zero Waste (Zabor) mugimenduaren sortzaileak (EITBrako egindako elkarrizketa, seguruenik eman ez zuten arren)
Zero Wasten ikusi dugunez, Kalifornia eta Italia dira lekurik interesgarrienak.
Katalunian ere bada adibiderik, tartean turismotik bizi diren hainbat herritan atez atekoa egiten dutela ikus liteke.
Zero Wasten bitartez, mundu aurreratuko herri eta hiri handiak kontzientziatuta daudela ikusi dugu eta zero zaborretik gertuen Atez Ateko sistema erabiltzen dutenak daudela ikusi dugu.
Baina horren hurrun joan gabe ere Gipuzkoan ere bada Zero Zabor mugimendua.
•Organismo publikoek zer diote?
Madrileko ingurugiro ministerioak Usurbil eredugarritzat hartu duela ikusi ahal izan dugu.
Eta organismo ofizialez berbetan Europako gomendioa hemen ikusi daiteke, lehengai gabezia daukan herrialde honetan zaborra urrea dela eta ezin dugula besterik gabe bota dio, Erraustea botatzea dela gaineratuz.