Eskaria egin nahi baduzue egin klik hemen, martxoaren 4a baino lehen. Martxoaren 12ko arratsaldean egingo dugu banaketa, Kultur Etxeko Sotoan. Ordainketa olioa jasotakoan egingo da. Zalantzaren bat baduzue, idatzi elgoibar.errigora@gmail.com e-postara.
Gure kontsumo ohiturak birplanteatu eta, urrunekoen ordez, urte osoan hemengo jakiak kontsumitzeko prest gaude. Horretara dator Eskutik Eskura egitasmoa, Nafarroa hegoaldeko produktuak herriz herri eta ekoizlearen jatorrizko prezioan eskaintzera, despentsa urte guztirako betetzeko.
Kontsumo arduratsuago batera salto egiteko proposamen batekin gatoz, beraz.
HAU GUZTIA, ZERTARAKO?
- Kalitatezko jakiak eskuratzeko. Oliba olio birjina estra, zainzuriak, Lodosako pikillo piperrak, potxak, menestra… Denak ere primerako jakiak direlako, gastronomiaren zein osasunaren ikuspegitik.
- Ingurumena zaintzeko. Bertoko produktuak kontsumitzea baita karbono aztarna murriztu eta paisaia mantenzeko bide eraginkorrena.
- Gure nekazari eta ekoizleen ogibidea babesteko. Lehenengo sektorea eta tokiko elikagaien industria bizirik eta duin mantentzea ez ezik, berau sendotu eta haztea gure esku dagoelako.
Bistan da, urrunekoen ordez, bertoko produktuak kontsumitzeak onura nabarmenak dituela gure inguru hurbilean. Argitu dugu, beraz, zertarako. Baina…
NOLA?
Logika espekulatibotik kanpo dagoen merkaturatze bide bat eraikiz. Urtean behin eta urte guztirako eskaerak egiteko bide emango duena, bitartekorik gabe.
Auzolanean. Elkarlanean eta herrika antolatuta. Ablitas, Agurain edo Mauleko lagunen artean zubiak eraikiz. Euskaraz, eskariak eta banaketa, talde handietan eginez.
Nekazari eta ekoizle zein kontsumitzaileentzat egokia den prezioan. Edo, bestela esanda, ekoizlearen jatorrizko prezioan.
ERRIGORAREN SAREA
Iaz 30 bat herritan zabaldu genuen bide berri hau. Emaitzak izugarriak izan ziren: 30.000 litro olio eta 50.000 kontserba ontzi heldu ziren 1.500 sukaldetara. Aurten, berriz, Errigoraren sarea sendotuta, 50 herritan eskainiko dugu kontsumo bide berri honekin bat egiteko aukera.
Era berean, aurtengoan iazkoan baino ekoizle eta nekazari gehiago batu zaizkigu proiektura. Horixe da eta, hain zuzen, Errigoraren erronka: urtetik urtera sarea zabaltzea. Kanpainatik kanpainara, elikadura burujabetzaren bidera kontsumitzaile, ekoizle eta nekazari gehago batzea. Zatoz ba, zeu ere, ekintza txikiekin helburu handiak lortzera!
BI KANPAINA
Eskutik eskurak kanpaina bi izango ditu. Martxoaren 4ra arte oliba olio birjina estra eskatzeko tartea izango da; maiatzean, berriz, kontserba loteek hartuko dute txanda. Ez galdu aukera, eta eman zure ingurukoei eskutik eskuraren berri!