Balorazio positiboa
Morkaiko Mendizale Elkartetik adierazi dutenez, "ekitaldi arrakastatsua izan da aurtengoa. Maila handiko 38 argazki aurkezteaz gainera, 300 pertsonatik gora pasa baitira erakusketatik".
Aitor Romeraren argazki batek irabazi du Morkaikoren Argazki Lehiaketa
Dolomitetan (Italia) ateratako Saussolongo izenburuko argazkiarekin irabazi du Aitor Romerak Morkaiko Mendizale Elkartearen 2006 urteko Mendi Argazki Lehiaketa. 150 euro poltsikoratu ditu irabazleak. Ikusleen Saria, berriz, Victor Ramalentzat izan da "Urak dakar edertasuna" argazkiak jaso baititu boto gehien argazkiak Kultur Etxeko sotoan erakusgai egon diren astebetean. Honek, 100€-ko saria poltsikoratu du.