Mikeleteak Gipuzkoako Foru Aldundiaren menpeko polizia taldea ziren, eta landa eremua zaintzen zuten.
Araba, Gipuzkoa eta Bizkaiko foru aldundiek, XVIII. mendearen amaieran hasita, euren menpe egongo ziren eta denek antzeko eginkizunak izango zituzten gorputz armatuak eratu zituzten. Gorputz armatu haien egitekoak hauexek ziren: ordena publikoari eustea eta lurralde administrazioko zenbait lan egitea. Lehenengoz eratu zituztenetik (1796) eta lehen Karlistada arte (1833-39), foru gorputzek gorabehera handiak izan zituzten: deseginak eta berreratuak, kopuruz murriztuak eta handituak. Aldaketen arrazoiak denetarikoak izaten ziren: ordena publikoaren beharrak, behar militarrak eta, zenbaitetan, baita behar politikoak ere. (informazio osoagoa Euskal Poliziaren Museoko webgunean)
1978an Ertzaintza sortu zen, eta probintzietan polizia erakunde "historikoak" berreskuratu ziren: Gipuzkoan mikeleteak, Araban miñoiak eta Bizkaian guardia forala. 2012an Mikeleteak kendu zituen Gipuzkoako Aldundiak: hiru pertsonak osatzen zuten taldea, eta aldundiaren egoitza zaintzea beste egitekorik ez zuten. 2015eko foru hauteskundeen ondoren, foru gobernu berriak mikeleteak berreskuratu zituen.
Ahotsak.eus webgunean jasota duten bideo testigantzan, Julio eta Nicolas izeneko Mikeleteak ditu gogogoan Julen Zabaleta Barrenetxeak (Elgoibar, 1921).
Agustin Gurrutxaga Garatek (Elgoibar, 1917-2016) ere aipatzen ditu mikeleteak eta horiek zituzten zereginak, honako bideoan.
- Sarrera gehiago, ahotsak.com barren.eus atarian