Ainara Argoitia BARREN astekariko kazetariak dinamizatuko du saioa, eta besteak beste, gizartea, euskara, gazteria eta musika bezalako gaien inguruan duen iritziaz galdetuko dio Aitor Gorosabeli (Eibar, 1970). 19:00etan izango da saioa, Mendaroko Gaztelekuan.
Su Ta Gar talde eibartarra puri-purian dago gainera, urriaren 28an kaleratu zuten-eta euren ibilbideko hamaikagarren diskoa, Maitasunari pasioa izenekoa. Hamar kantuz osatutako lan “berezi eta desberdina” atera dutela azaldu du Eibarko laukoteak.