Mekako arduradunek jakinarazi dutenez, ekintzailetasuna eta Europar Hiritartasuna lantzea ardatz dituen proiektu honetan lau herrialdetako ikastetxeek hartzen dute parte: Euskal Herriko CIFP MEka LHIIk, Kroaziako Koprivnica hiriko Srednja Skol, Siziliako Don Luigi Sturzo ikastetxea, eta Frantziako Annonay hiriko Ogec Saint Denis.
Guztira, 40 ikasle eta irakasle etorri dira Elgoibarrera, eta astebetez egongo dira, hemengo ikasleen etxeetan batzuek edo Eibarko Ikasleen-egoitzan ostatu hartuta beste batzuek. Elgoibar eta inguruneak ezagutzeko hainbat irteera egingo dituzte. Bestek beste, enpresa berritzaileen artean eredu den Ampo enpresara, Euskadiko Lanbide Heziketako Ikertzailetza Zentrura (TKNIKA), Bilboko Guggenheim museoa, Eusko Legebiltzarra edo Gernikako Pakearen museora egin dituzte bisitak edo bisitatuko dituzte .Mekako arduradunek eskerrak eman dizkiete Elgoibarko Udalari eta alkateari egin dieten harreragatik.
