Bere azken lana du Gitarra lekeitioak Joseba Irazoki musikari nafarrak. CD formatoan argitaratu du, Bidehuts zigiluarekin, eta 23 kantu bildu ditu bertan. Esperimentatu zalea da Irazoki, zuzenekoetan hazten den musikaria, eta horregatik, Mikel Laboaren Lekeitioak diskoari egin dio erreferentzia diskoarentzako izena aukeratzeko orduan.
Mendaroko kontzertua Gararock taldeak antolatu du, Udalaren eta Uztargi tabernaren laguntzarekin, eta San Agustin kulturgunean izango da, 22:00etan, doan.
