Peruko Huayhuash mendikatera eginiko eskalada espedizioaren berri emango du Ihintza Elsenaarrek Udazkeneko Mendi Emanaldi Zikloan, gaur.

Inazio Bereziartua Musika Eskolako auditorioan eskainiko du emanaldia Ihintza Elsenaarrek (Deba, 1981), gaur (azaroak 14), 19:00etan hasita. Munduko herrialde desberdinetan ibili da mendian, eta horietako esperientzia bat azalduko du Morkaikoren Mendi Emanaldien barruan: Perun izan zen 2016an, eta eskalatzeko bide berri bat ireki zuten Puscanturpa mendian. Han bizitakoak azalduko dizkigu Ihintzak.
Joan zen ostiraleko Barren aldizkarian irakur dezakezue Ihintza Elsenaarri eginiko elkarrizketa paregabea.