Pandemia garai honetan ere gure baloreak lantzen jarraitzen dugu Elgoibar Ikastolan. Pasa den astean Santa Eskea ospatu genuen bezala, euskara eta euskal kultura sustatzeko egun berezien artean Euskal Inauteriak prestatzen ari gara egunotan. 

 Bizi dugun egoera medio ohiko ekitaldiak moldaketa batzuk izango ditu aurten. Horrela, ostiraleko ospakizuna ikastola barruan izango da, kanpoko inor bertaratu gabe. Hala eta guztiz ere, bideo-muntaia bat egingo da familiengana eta herritarrengana iristeko, gure webgunean ikusgai izango dena Inauterien ostean.