Dantza egitea nuen afizio. Kamera gertu izatea ofizio. Eta konturatu gabe, afizio eta ofizioak bat egin zuten egun batean. Lagun batek esan zidan: "gertatu zaizuna da, konturatu gabe, serio hartu duzula kontua". Eta arrazoirik ez zaio falta. Beraz, seriotasuna eta dibertsioa uztartzen saiatzen naiz ahal den neurrian.

Eta hori da hona ekarriko dudana. Duela urte batzuk, dantzan.eus atarian hasi nintzen lanean. Nire egitekoa besteak beste, kamera hartu eta Euskal Herriko txoko guztietako dantza eta ohiturak jasotzea izan da. Bidean, herri, talde, tradizio eta pertsona berriekin gurutzatu naiz. Eta abentura hauek guztiak elgoibartarrekin konpartitu nahi ditut.

Gure kultura zabalaren zenbait bitxikeria aurkituko dituzulakoan... on egin!