Joan zen astean teknologia berrien inguruko hitzaldia antolatu genuen Arno guraso elkartekook. Baikara Gipuzkoako Ikasleen Gurasoen Federazioko Estherrek teknologia berrien onurez eta arriskuez hitz egin zigun, eta arrisku batzuk nola saihestu ere azaldu zigun.

Ume-umetatik hasten dira orain gure seme-alabak teknologia berriekin lanean eta jolasean, eta Estherrek esan zigun argi azaldu behar dizkiegula dauden arriskuak. Saioa motz gelditu zitzaigun, baina, eta bigarren saio bat egiteko aukera aztertzen ari gara. Gurasoren batek interesik balu, jar dadila gurekin harremanetan.