Foru Aldundiak antolatuta, Tokiko Berdintasun Politikak sustatzeko lan saioan parte hartu zuten Gipuzkoako hainbat Udalek, tartean, Elgoibarkoak. Ane Beitia alkateak berak hartu zuen parte mahai inguruan, Maribi Joaristi Oiartzungo Udaleko Idazkariarekin eta Karmele Gomez Zumaiako Berdintasunerako teknikariarekin batera. Elgoibarko Emakumeen Etxearen inguruko proiektuaren berri eman zuen Elgoibarko alkateak.
Europako Kontseiluak ematen duen Gobernantzaren Bikaintasuneko Europako Zigiluak (European Label of Governance Excellence, ELoGE) gobernantza ona eta kalitate demokratikoa neurtzen ditu. Elgoibarko Udala orain hiru urte ere saiatu zen aitorpena eskuratzen, eta bigarren saiakera egingo du. Prosezu horretan, besteak beste, inkesta bat egingo diete elgoibartarrei.