Herritarrek udal kudeaketan "ahotsa" izan dezaten eta beraien lehentasunak "errealitate" bihurtu daitezen, prozesu partehartzaile berri bati ekingo dio Elgoibarko Udalak. 200.000 euro bideratuko ditu herritarren proposamenak gauzatzeko. Bihar hasiko den lehen fasean proiektuak aurkezteko aukera izango dute herritarrek.
Foru Aldundiak antolatuta, Tokiko Berdintasun Politikak sustatzeko lan saioan parte hartu zuten Gipuzkoako hainbat Udalek, tartean, Elgoibarkoak. Ane Beitia alkateak berak hartu zuen parte mahai inguruan, Maribi Joaristi Oiartzungo Udaleko Idazkariarekin eta Karmele Gomez Zumaiako Berdintasunerako teknikariarekin batera. Elgoibarko Emakumeen Etxearen inguruko proiektuaren berri eman zuen Elgoibarko alkateak.